علاج للثعلبة ..لا اريد منكم الا الدعاء ..

بسم الله الرحمن الرحيم
ترددت كثيرا اكتب الموضوع والا ما اكتبه نظرا للملقف اللي راح يتابعون مشاركاتي ومواضيعي الله يهديهم ويشغلهم بامور افيد من مراقبة الناس ومن راقب الناس مات هما وكمدا
-------------------
الزبدة..
قلت لازم اخبركم باللي عندي وافيد كثيرات يعانون من الثعلبة او حتى الصلع او قلة الشعر ..
وما ابغى منكم الا دعوة في ظهر الغيب ان ربي يشفيني ويحفظ لي احبابي ويهدي عيالي ويحفظهم ويقر عيني بصلاحهم
وان ربي يرزقني الوظيفة القريبة >>>كاني مصختها ادعو باللي ببالكم كل شئ يجي منكم حلو ..
بعد الهذرة والمقدمة الطويلة
انا يابنات ولدي جاته ثعلبة والظاهر انها عين قوية على كلام المشايخ وحتى الدكاترة عجزوا عنها واخر شئ استشاري قال لنا من بعد جلسات ليزر 6 شهور قال ودوه الحرم هذي الثعلبة غريبة ودوه الحرم وروشوه بزمزم
استخدمت كل اللي ممكن يخطر على بالكم
حتى سفوف قال لنا عليه الدكتور عبد الباسط
ومافاد شئ ..
المهم اخر شئ استخدمته القطران (سمنة القطران) وواحد جابه لنا من الجنوب
من اخر شوال لين الان وانا احط وافرك مكان الثعلبة بفرشاة اسنان والحمدلله رب العالمين وربي يابنات ماشاء الله ان الشعر طلع يارب لك الحمد والحواجب نبتت من جديد عقب ماكانت ملساء ولاشعره فيها

قلت اقول لكم يمكن عندكم احد يعاني من هالمرض والله اني صابرة شوفو من شوال لين الان والحمدلله ربي اعطاني ثمرة صبري
صح الريحة قوية بس نصبر في سبيل ان الشعر يطلع انا احط لولدي وادعي بقلبي والحمد لله ربي فرحني فيه

والان مستمرة معاه
وصرت احط ملعقة مع الحنا لنفسي ابغى شهري اللي حت وطاح مع الرضاعة والحمل يطلع وربي ان شاء الله مايخيبني
وبناتي خلطت لهم ملعقة قطران +زيت سمسم اصلي وقلت كل اسبوع بزيت لهم شعورهم

انا بحثت كثير عن القطران في المنتدى
ولقيت اجماع بانه:
يكثف الشعر +يقويه+ينظف الفروة من القشرة والقمل+ينعم ويطول
+تنبيت الشعر هذا لقيته في وصفات لعلاج الثعلبة

دعواتكم يالغاليات

م/ن